काठमाडौ १७ चैत्र । कोरोनाको संक्रमण विश्वव्यापी भइरहेका बेला बलिउड नायिका शिखा मल्होत्रा पनि बिरामीहरुको सहयोगका लागि अघि सरेकी छिन् ।बलिउड नायिका शिखा मल्होत्रा पनि बिरामीहरुको सहयोगका लागि अघि सरेकी छिन् ।
नायिका शिखाले विरामीको उपचारमा खटिइन भन्दा फिल्मी शैली जस्तो लाग्न सक्छ तर वास्तवमा शिखाले फिल्मी शैली नभएर साच्ची नै नर्सका रुपमा विरामीको उपचारामा लागि परेकी हुन । हुनत शिखाको पढाइ नसिङ नै हो तर अभिनयका कारण अध्ययनलाई पुरा गर्न सकेकी थिइनन । उनी नसिङ पेशालाई भन्दा अभिनयलाई अघि बढाएकी थिइन । शिखाले वर्धमान महावीर मेडिकल कलेज र नयाँ दिल्लीस्थित सफदरगञ्ज अस्पतालबाट सन् २०१४ मा नर्सिङ पढेकी थिइन् । तर अभिनयका कारण उनले आफ्नो नर्सिङको पढाई पूरा गर्न सकेकी थिइनन् । यस्तोमा उनले देशको स्थिती हेर्दै कोरोना संक्रमितको हेरविचार गर्ने निर्णय गरेकी छिन् । उनी यतिबेला मुम्बईको जागेश्वरी ईस्टस्थित हिन्दु हृदय सम्राट बालासाहब ट्रमा हस्पिटलमा भोलुन्टियर नर्सको रुपमा काम गरिरहेकी छिन् ।

भारतमा कोरोनाभाइरससँग लड्नका लागि भारतीय प्रधानमन्त्री नरेन्द्र मोदीले २१ दिनको लकडाउनको घोषणा गरेका छन् । समाजका विभिन्न वर्गसँग जोडिएका मानिसहरु पनि कोरोनाभाइरससँग लड्न अघि बढेका छन् । कतिले गरिबलाई खाना बाँडिरहेका छन् भने कतिले आर्थिक सहयोग गरिरहेका छन् । यस्तै बलिउड नायिका शिखा मल्होत्रा पनि बिरामीहरुको सहयोगका लागि अघि सरेकी हुन । शिखाले आफू बलिउडमा आउनुअघि नर्सको तालिम लिइसकेको बताएकी छिन् ।