काठमाडौं, १५ भाद्र।गायक सन्तोष वीरसिंह बस्नेतले नयाँ नेपाली गीत ‘फ्राइडे नाइट’ बजारमा ल्याएका छन।

लामो समयदेखि बेलायतमा बसेर संगीत अध्ययन गरी स्वदेश फर्किएका बस्नेतको सो गीतमा परिवारमा मध्यपानवाट हुने ठाकठुकको यथार्थ चित्रण गरिएको छ। राज कुमारको संगीत र मोडल अभिलाषा शर्माको अभिनय रहेको ‘फ्राइडे नाइट’ गीतको म्युजिक भिडियो युट्युब र फेसबुकमा चर्चित हुँदै गएको छ।

गायक बस्नेत हालै सम्पन्न नेपाल पर्यटन बोर्डद्वारा आयोजित टुरिजम भिडिओ प्रतियोगितामा “भिजिट नेपाल” नामक गीत बाट समेत दोश्रो स्थान हासिल गर्न सफल भएका थिए।सो गीतका रचना स्वयं गायक बस्नेतले गरेका थिए।

उनले यसअघि पनि ‘लुक्ला’ नामक गीत मार्फत पर्यटकीय क्षेत्र सोलुखुम्बुको सम्पुर्ण भेगको सुन्दर चित्र पेश गरेका थिए। ‘खट्टो पिरो’ र ‘आइया आत्था’ गरी २ वटा कमेडी गीति संग्रह समेत बजारमा ल्याइसकेका छन। बस्नेतले केही महिना अघि ‘आमा’ नामक भिडिओ गीत बजारमा ल्याएका थिए।

सो गीतमा चर्चित अभिनेत्री मिथिला शर्मा र चर्चित क्रीकेट खेलाडी शक्ति गौचनले अभिनय गरेका थिए। सो भिडियोमा खेलाडीको जीबनमा आमाको महत्व दर्शाइएको बस्नेतले बताए।

गीत सङ्गीत अध्ययनको क्रममा बेलायतस्थित भारतीय बिद्या मन्दिरमा गायिका स्वानन्द कर्माकर सङ्ग करीब ६ बर्ष शास्त्रीय संगीतको अध्ययन गरेका गायक बस्नेतको ‘लिला’ नामक गीति संग्रह पनि लोकप्रिय भएको थियो।