एजेन्सी। चर्चित बंगाली अभिनेता सौमित्र चटर्जीको निधन भएको छ । उनको ८५ वर्षको उमेरमा आज निधन भएको हो ।

लामो समय यता बिरामी रहेका उनको अस्पतालमा उपचारका क्रममा निधन भएको बताइएको छ ।

उनी बंगाली सिनेमा चर्चित अभिनेता थिए । उनले १९५९ मा फिल्म अपुर संसारबाट आफ्नो करियरको शुरुवात गरेका थिए । उनले ओस्कर विजेता डाइरेक्टर सत्यजीतसँग १४ फिल्ममा काम गरेका थिए । उनी फ्रान्सबाट कलाकारलाई दिइने सबैभन्दा ठूलो अवार्ड प्राप्त गर्ने पहिलो भारतीय कलाकार थिए ।