एजेन्सी ।  हलिउडकी चर्चित अभिनेत्री पामेला एण्डरसनले सुटुक्क विवाह गरेकी छिन् । उनले आफ्नै बडीगार्ड डल ह्यैहस्टसँग विवाह गरेको बताइएको छ ।

केही समयदेखी बडीगार्डसँग नजिक भएकी ५३ वर्षिय पामेलाले सुट्क्क विवाह गरेकी हुन् । उनले क्रिसमसको अवसर पारेर डिसेम्बर २५ तारिखको दिन क्यानडास्थित आफ्नै घरमा विवाह गरेकी हुन् ।

आफुले विवाह गरेको बारे पामेलाले सामाजिक सञ्जालमार्फत जानकारी गराएकी छिन् । सन १९९५ मा पहिलो पटक टमीसँग विवाह गरेकी उनको यो छैटौं विवाह हो । पहिलो विवाह गरेको ३ बर्षमा उनले टमीसँग सम्बन्धविच्छेद गरेकी थिइन् ।

त्यस्तै उनले सन २००६ मा किड रक र सन २००७ मा रिक सलोमोन सँगविवाह गरिन् । तर सम्बन्ध लामो समय टिक्न सकेन । द रोड रेयान ले उनको छैटौ विवाह भएको बताएका छन् । उनको कति औं विवाह भन्ने मिडियामा फरक फरक कुरा आइरहेका छन् ।

डल ह्यैहस्टसँगको विवाहपछि पामेलाले भनेकी छिन् – म अहिले त्यही ठाउँमा छु, जहाँ म बस्न चाहान्थे । म त्यो मानिसको साथमा छु, जसले मलाई सच्चा माया गर्छ । पामेलाले आफुहरुको यो विवाह लामो समयसम्म चल्ने बताएकी छिन् ।