काठमाडौ । मिस ट्यालेन्ट नेपाल-२०२४ को उपाधी नुवाकोट म्यागङ गाउँपालिकाकी मुस्कान तामाङले जितेकी छिन् । एनआरडी इन्टरटेन्टमेन्टको आयोजनामा राष्ट्रिय नाचघर जमल काठमाडौँमा भएको प्रतियोगितामा मुस्कानले उक्त उपाधी हात पारेकी हुन् ।

कम्पनीको आयोजनामा पहिलोपटक भएको प्रतियोगितामा स्मृति तामाङ द्वितिय र अमृता मगर तृतीय भईन् ।
विजेताहरुलाई प्रमुख अतिथि आम जनता पार्टीका अध्यक्ष पूर्वमन्त्री एवं प्रतिनिधि सभाका सदस्य प्रभु साह, विशेष अतिथि आम जनता पार्टीका उपाध्यक्ष अरुण घिसिङ, मिस नेपाल वर्ल्ड २०१५ की विजेता ईभाना मानन्धर, नम्रता लामा, प्रियारानी लामा, ज्वालाराज पोखरेललगायतले क्राउन र पुरस्कार वितरण गरेका थिए ।
प्रथम, द्वितिय र तृतीय हुनेले क्रमशः ७५ हजार, ६० हजार र ५० हजार नगद पुरस्कार प्राप्त गरेका छन् ।