सोलुखुम्बु। नेपाल कम्युनिष्ट पार्टी (माओवादी केन्द्र) थुलुङ दुधकोशी गाउँपालिकाले पालिका भित्रको वडा सम्मेलन मंसिर ३० सम्ममा सक्ने गरि तयारी अघि बढाएको छ । यही मंसिर २१ गते देखि मंसिर ३० सम्म वडा सम्मेलन सक्ने गरि तयारी गरिएको पार्टी सचिव राम किरण राईले जानकारी दिनुभयो ।

वडा नम्बर ६ मुक्लिको सम्मेलन मंसिर २१ गते हुने र वडा नम्बर ८ देउसामा ३० गते सकिने बताइएको छ । माओवादी केन्द्र थुलुङ दुधकोशी कमिटी सचीव राईका अनुसार मंसिर २२ गते वडा नम्बर ७ देउसा, २३ गते वडा नम्बर २ काङ्गेल, २४ गते वडा नम्बर ३ पञ्चन, २५ गते वडा नम्बर १ नेले, २६ गते वडा नम्बर ४ जुबु, २७ गते वडा नम्बर ५ जुबु र २८ गते वडा नम्बर ९ लाेखिममा वडा सम्मेलन गर्नेगरी सर्कुलर जारी गरिएको छ ।

संगठन सुदृढीकरणको अभियानसंङ्गै हुने वडा सम्मेलनले वडा वडामा नयां नेतृत्वसहितको कार्यसमिति चयन गर्ने गाउँ पार्टी अध्यक्ष राम संघर्ष किराँतीले जानकारी दिनुभयो ।