सोलुखुम्बु । जिल्लाको माप्य दुधकोशी गाउँपालिकामा नेपाली कांग्रेसको १०० दिने विषेश अभियान सम्पन्न गरेको छ।

पार्टी केन्द्रीय सदस्य एबम् पर्यटन बिभाग प्रमुख आङगेलु शेर्पाको प्रमुख आतिथ्यता तथा जिल्ला सभापति तथा सोलुदुधकुण्ड नगरपालिकाका प्रमुख नाम्गेल जाङ्बु शेर्पा विशेष आतिथ्यतामा गाउँपालिकाको दाम्खुमा शनिबार अभियान सम्पन्न गरिएको नेपाली कांग्रेसका युवा नेता तथा तरुण दलका केन्द्रीय सदस्य नवीन थापाले जानकारी दिए।

नेपाली कांग्रेस माप्यदुधकोशी गाउँपालिका समितिद्वारा आयोजित सो कार्यक्रमलाई प्रमुख अतिथि शेर्पा,बिशिस्ट अतिथि शेर्पा,नेपाली कांग्रेस कोशी प्रदेश समिति सदस्य एबम् सोलुदुधकुण्ड नगरपालिका उपप्रमुख गान्धीमाया तामाङ,अभियानका लागि जिल्लाबाट खटिएका दावागेलु पाख्रीन,नेपाली कांग्रेस प्रदेश क्षेत्र ख का सभापति कर्मा शेर्पा र तरुण दलका केन्द्रीय सदस्य अशोक झा,सोलु दुधकुण्ड नगरपालिका वडा नं ६ का सभापति एबम् नगर प्रबक्ता फुर्बा ग्याल्जेन शेर्पा लगायतले सम्बोधन गरेको उनले बताए।

कार्यक्रमका बक्ताहरुले नेपाली कांग्रेसलाई सशक्त बनाउन सबै नेता कार्यकर्ताहरु एकढिक्का भएर अघि बढ्नुपर्ने धारणा व्यक्त गरेका थिए।

अभियानकै शिलशिलामा भोलि नेपाली कांग्रेस सोलुदुधकुण्ड नगरपालिका कार्यसमितिले वृहत कार्यक्रमको आयोजना गर्ने भएको छ।नेपाली कांग्रेसका पूर्ब उपसभापति एबम नेपाल सरकारका उपप्रधान एवं सहरी विकास मन्त्री प्रकाशमान सिंहको प्रमुख आतिथ्यता रहने कार्यक्रममा केन्द्रीय कार्यालयबाट सोलुखुम्बु जिल्लाका लागि खटिएका पार्टी प्रतिनिधि एवं केन्द्रीय सदस्य अमृत अर्याल,केन्द्रिय सदस्य आङ गेलु शेर्पा,पार्टीका जिल्ला सभापति नाम्गेल जाङ्बु शेर्पा लगायतका नेताहरुको पनि उपस्थिति रहने रहने बताइएको छ।