काठमाडौं।विश्व हिन्दु महासंघ (अन्तर्राष्ट्रिय)को अष्ट्रेलिया शाखाको अध्यक्षमा लेखनाथ बास्तोला चयन हुनुभएको छ।

विश्व हिन्दु महासंघ (अन्तर्राष्ट्रिय)का महासचिव भोला दाहालको प्रमुख आतिथ्यमा सिडिनी को ओवनमा हालै सम्पन्न भेलाले बास्तोलाको अध्यक्षतामा २० सदस्यीय अस्ट्रेलिया शाखा तदर्थ समिति गठन गरेको हो।

तदर्थ समितिको उपाध्यक्षमा नारायण शास्त्री,सचिबमा नवीन खरेल,कोषाध्यक्षमा सहनशिला श्रेष्ठ,सहसचिवमा शोभा नेपाल,सहकोषाध्यक्षमा रामहरि थापा रहनुभएको अध्यक्ष बास्तोलाले जानकारी दिनुभयो।

वहाँका अनुसार समितिको सदस्यमा यादव देवकोटा,आमोद रिजाल,राम कंडेल,कल्याण पन्त,लक्ष्मी बस्ताकोटी,डिला खरेल,रिना आचार्य खत्री रहनुभएको छ।

यसैगरी,अनिरा बास्तोला,प्रकाश सोडारी,बिष्णु प्रसाद पौडेल,डिल्ली ढकाल,अशोक पौडेल,भीम चुँडाल र कमला अधिकारी पनि तदर्थ समितिमा सदस्य रहनुभएको छ।

समितिको संरक्षकमा आचार्य राजन शर्मा र सल्लाहकारहरुमा रमा मिश्र,सुमित्रा राजभण्डारी र अनिल पोखरेललाई चयन गरिएको पनि वहाँले बताउनुभयो।