दावा जाङ्बु शेर्पा, काठमाडौं।नेपाल शेर्पा कलाकार संघको तेस्रो महाधिवेशन नेपाल शेर्पा संघको भवन नारायणटारमा माघ १९ गते शनिबार हुने भएको छ ।

विश्वभर छरिएर रहेका शेर्पा समुदायका कलाकारहरुलाइ एकजुट गराई सम्पूर्ण कलाकारहरुको हकहितलाइ सम्बोधन गर्दै सबै शेर्पा कलाकारहरुको लागि आवाज उठाउने उदेश्यले शेर्पा कलाकार संघ २०७४ सालमा स्थापना भएको गैरनाफा मुलक संस्थाका रूपमा स्थापना भएको अध्यक्ष कुङ्गा शेर्पा जानकारी दिनुभयो ।

शेर्पा कला संस्कृतिलाइ समेत राष्ट्रिय रुपमा पहिचान दिलाउन शेर्पा कलाकार संघ लागि परेको र शेर्पा कलाकारहरुलाई प्रोत्साहन गर्दै शेर्पा कलाकारहरुको लागि शेर्पा कलाकार संघको भूमिका उल्लेखनीय रहदै आएको महासचिब लमु शेर्पाले बताउनुभयो ।

शेर्पा कलाकार संघले स्थापनाकाल देखिनै ७७ वटै जिल्लाका शेर्पा कलाकारहरुलाई एकत्रित गर्ने,कलाकारको हकहितको विषय उठान गर्ने,दुःखमा परेका शेर्पाहरुलाई सहयोग गर्दै आएको छ ।