काठमाडौं ।अंग्रेजी नयाँ बर्षको दिन अमेरिकाको न्यूयोर्कमा गायक राजेशपायल राईमाथि हातपात गर्ने पासाङ दावा शेर्पाले शेर्पा संस्कृतिअनुसार रक्सी र खादा सगुन दिएर उनले माफी मागेका हुन् ।

उक्त घट्नाको भिडियो सामाजिक संजालमा भाइरल भएपछि शेर्पामाथि सुरक्षा चुनौति बढेको र कलाकारमाथि अपमान भएको भन्दै आयोजकमाथि प्रश्न उठेको थियो ।

तर घट्नाबारे चौतर्फी विरोध भएपछि शेर्पाले आयोजक समितिको उपस्थितिमा गायक राई समक्ष माफी मागेका हुन । राईले पनि पासाङले गल्ती स्वीकार गरेको भन्दै माफी दिएको बताएका छन् ।

बुद्ध ट्याक्स एकाउन्टिङद्वारा आयोजित उक्त कार्यक्रममा स्टेजमै गीत गाइरहेका बेला हातपातको घटनापछि पनि गायक राईले केही घण्टा आफ्नो प्रस्तुति दिएका थिए ।