काठमाडौं।आधुनिक मेलोडी नयाँ गीत ‘मैसाब’ को गीति भिडियो छिट्टै सार्बजनिक हुने भएको छ।सम्पादन कार्य सकिएसंगै सो गीति भिडियो सार्बजनिक गर्ने तयारी सुरु भएको जानकारी दिईएको छ।

दोलखाली गायक बिजय खड्काको स्वर र शब्दमा रहेको सो गीतको गीति भिडियोमा अहिलेका चर्चित मोडल सागर लम्साल ‘बले’ र आयुश्मा कार्किको अभिनय रहेको छ।

नवीन कार्कीले संगीत भरेको यो भिडियोमा मन्दिरा ढुंगानाको कोरियोग्राफी रहेको छ भने घनश्याम तिमल्सिनाले एन्टेना निर्देशन गरेका हुन।

रामकृष्ण कँडेलको छायांकन रहेको गीति भिडियोको छायांकन काठमाडौ उपत्यकाका विभिन्न रमणीय स्थानमा गरिएको निर्माण पक्षले जनाएको छ।