काठमाडौं ।रियालिटी शो ‘भ्वाइस अफ नेपाल सिजन-५’ को उपाधि विनोद राईले जितेका छन्। शुक्रबार राति ललितपुरको गोदावरीमा सम्पन्न फिनालेमा टिम मिलन नेवारको प्रतिनिधित्व गर्ने विनोदले उपाधि उचालेका हुन् ।

टिम राजेशपायल राईबाट मकरबहादुर योञ्जन फर्स्ट रनरअप भए । टिम उदय सोताङबाट कुमार प्रयास सेकेन्ड रनरअप हुँदा टिम प्रमोद खरेलबाट नोगेन लिम्बु थर्ड रनरअप घोषित भए ।

उपाधी उचालेका बिनोदले २० लाख नगद पुरस्कार पाएका छन् ।उनलाई हिमालय टिभीका धर्म भुसाल लगायतले पुरस्कार प्रदान गरेका थिए।

फिनालेमा आफ्नो टीमका फाइनलिस्टसँगै कोच मिलन नेवार, उदय सोताङ, प्रमोद खरेल र राजेशपायल राई,हिमालय लोकस्टारका जज,चर्चित लोक तथा दोहोरी गायक राजु परियार र बद्री पँगेनीले पनि प्रस्तुति दिए ।