एजेन्सी । बलिउड लिजेण्ड दिलिप कुमारका भाई अस्लम खानको कोरोना कारण मृत्यु भएको छ । दिलिपका दुई जना भाई कोरोना भाइरसबाट संक्रमित भएपछि अस्पताल भर्ना भएका थिए ।

दुवैलाई भेन्टिलेटरमा राखेर उपचार भइराखेको थियो । अर्का भाई इसान खान अझै पनि भेन्टिलेटरमा रहेका छन् । उनलाई मुटुको समस्या, डायबेटिज, हाइपर टेन्सन पनि रहेको थियो ।

कोरोना संक्रमण भएको पुष्टि भएसँगै उनी अस्पतालमा भर्ना भएका थिए ।

लिलावती अस्पतालमा केही दिनदेखि उनको उपचार भइराखेको थियो । शुक्रबार बिहान उनको निधन भएको अस्पतालले पुष्टि गरेको छ ।