काठमाडौ,८ भाद्र।युवा गायक, रचनाकार तथा संगीतकार गोकर्ण राई (अतित) को ‘तिम्रै माया लाग्छ’ बोलको गीतको म्युजिक भिडियो भिडियो सार्बजनिक भएकोछ। नेपाली साङितिक क्षेत्रमा अब्बल संभावना बोकेको गायक, रचनाकार तथा संगीतकार राइ (अतित) को मार्मिक गीत प्रेम बियोगमा आधारित रहेको छ। राईको आफ्नै शब्द रचना, संगीत तथा स्वर रहेको गीतलाइ बरिष्ठ एरेन्जर कृष्ण भक्त राइले एरेन्ज गर्नु भएको हो।गीतको रेकर्ड पदम रजान मगरले अनि मुस्कान मुकारुङ्ले मिक्सिङ गर्नु भएको हो भने सेवा रेकर्डिङ स्टुडियोमा रेकर्ड गरिएको हो।

पछिल्लो समय चर्चामा रहेको युवा निर्देशक, स्कृप्ट राइटर तथा रचनाकार दुर्लभ जन्तरेले गीतको भिडियोको कथा लेखन तथा निर्देशन गर्नुभएको हो। साँचो माया गर्नेहरुले के सम्म गर्न सक्छन् आफ्नो मायाको लागि भन्ने मुख्य बिषयलाइ निर्देशक दुर्लभ जन्तरेले मनोरञ्जनात्मक तथा मार्मिक तरिकाले देखाउन खोजिएको कुरा बताउनु भयो। गीत नेपाली लभ स्टोरीमा आधारित कथा बस्तु समेटिएको गीतको गीती भिडियो हेरिसकेपछी धेरैको आँखा रसाएको छ भने अडियो तथा भिडियो सबै पक्ष अब्बल रहेको नेपाली साङ्गितिक क्षेत्रमा दुर्लभ जन्तरेको कथा तथा निर्देशनले फरक स्वाद दिएको युवा समाजसेवी तथा सन्चारकर्मी लक्ष्मण मिसन कार्कीले वताउनुभयो।

गीतमा चर्चित मोडल अनुशा राई, गोकर्ण राई (अतित) एन्जल किराँत को मुख्य भुमिका रहेको छ भने दुर्लभ जन्तरे, नेहा सुब्बा, टेक नाछिरिङ, जीवन राइ (जितेन्द्र), लक्ष्मण मिसन कार्की, तारा राई लगायतको भुमिका रहेको छ। छायांकार मनोज राइ र दुर्गा वान्तवा राईले छायांकन गर्नु भएको उक्त गीतलाइ टेक नाछिरिङको अफिसियल युट्युब च्यानलवाट रिलिज गरिएकोछ।